ចំណុចពិសេសនៃការអប់រំ

យើងផ្តល់នូវមូលដ្ឋានចំណេះដឹងដ៏រឹងមាំ និងទូលំទូលាយ ដែលជួយឱ្យសិស្សទទួលបានចំណេះដឹងស៊ីជម្រៅ ការយល់ដឹងទូលំទូលាយ និងអាចអភិវឌ្ឍសមត្ថភាពរបស់ខ្លួនឱ្យបានពេញលេញ។

សិស្សត្រូវបានផ្តល់ឱកាសឱ្យអនុវត្តជាក់ ស្តែងនូវអ្វីដែលបានរៀនតាមរយៈសកម្មភាព ការសង្កេតដោះស្រាយបញ្ហា និងការអនុវត្តក្នុងជីវិតពិត ដើម្បីបង្កើនជំនាញចាំបាច់សម្រាប់ អនាគត។

វិធីសាស្ត្រសិក្សារបស់យើងគឺជំរុញនិងលើកទឹកចិត្តឱ្យសិស្សមានភាពចង់ដឹងចង់ឃើញ មានការគិតដោយឯករាជ្យ មានភាពច្នៃប្រឌិត និងហ៊ានស្វែងរកដំណោះស្រាយថ្មីៗចំពោះបញ្ហាប្រឈមនានា។

 យើងអនុវត្តវិធីសាស្ត្រនៃការបង្រៀនដោយ ផ្តោតលើសិស្សជាចម្បង និងលើកទឹកចិត្តសិស្សឱ្យចូលរួមយ៉ាងសកម្មក្នុងដំណើរការសិក្សារៀនសូត្រ តាមរយៈការចូលរួមសកម្មភាព ការគិតវិភាគ  ច្នៃប្រឌិត ការសហការធ្វើការជាក្រុម និងការអភិវឌ្ឍខ្លួនឯងដោយឯករាជ្យ។ យើងទទួលស្គាល់ និងគាំទ្រនូវសមត្ថភាព និងទេពកោសល្យផ្ទាល់ខ្លូនរបស់សិស្សម្នាក់ៗ និងជួយជម្រុញ ដើម្បីឱ្យសិស្សបញ្ចេញទេពកោសល្យច្រើនបំផុតតាមដែលអាចធ្វើបាន។

សិស្សទទួលបាននូវឱកាសអភិវឌ្ឍសមត្ថភាពដឹកនាំ ជំនាញទំនាក់ទំនង ការធ្វើការងារជាក្រុម និងកសាងទំនុកចិត្តលើខ្លួនឯង ដើម្បីត្រៀមខ្លួនជាអ្នកដឹកនាំនាពេលអនាគត។

       

តាមរយៈកម្មវិធីសិក្សា និងសកម្មភាពសិក្សាបន្ថែមដ៍សម្បូរបែប ជាការត្រៀម លក្ខណៈឱ្យសិស្សក្លាយជាពលរដ្ឋសកល។  យើងបណ្តុះ    បណ្តាលសិស្សឱ្យមានការយល់ដឹងជាសកល គោរពចំពោះជាតិសាសន៍ វប្បធម៌ផ្សេងៗ និងមានស្មារតីអត់ឱន ព្រមទាំងលើកទឹកចិត្តសិស្សឱ្យមានឆន្ទៈ និងទំនួលខុសត្រូវក្នុងការចូលរួមអភិវឌ្ឍសហគមន៍ និងសង្គមឱ្យរីកចម្រើន។

យើងបង្កើតបរិយាកាសសិក្សាដែលមានភាពកក់ក្តៅ សុវត្ថិភាព ការអធ្យាស្រ័យ និងការគោរពគ្នាទៅវិញទៅមក ដើម្បីឱ្យសិស្សមានអារម្មណ៍ថាត្រូវបានយកចិត្តទុកដាក់ និងទទួលបានការគាំទ្រ។ បរិយាកាសនេះជួយលើកទឹកចិត្តឱ្យសិស្សខិតខំអភិវឌ្ឍខ្លួន បន្តបង្កើនសមត្ថភាព និងអាចឆ្លើយតបទៅនឹងការផ្លាស់ប្តូរដែលកើតឡើងជាបន្តបន្ទាប់ឥតឈប់ឈរ។ 

យើងជំរុញឱ្យសិស្សក្លាយជាអ្នកសិក្សាពេញមួយជីវិត ដែលមានភាពបត់បែន អាចសម្របខ្លួន និងបន្តអភិវឌ្ឍខ្លួនក្នុងពិភពលោកដែលកំពុងផ្លាស់ប្តូរ យ៉ាងឆាប់រហ័ស។